SeputarBoltim.com – Kolano Bolaang Mongondow Kon Pomuka’an, Sam Sachrul Mamonto, nogutundon kon komalig kon Tutuyan, Kecamatan Tutuyan.
Singgai Araba’a kolabung nion (6 Oktober 2021) Kolano Sam Sachrul Mamonto takin apang Seska Ervina Budiman, sinomu bo sinarima takin oadatan.
Oadatan tatua naanda moponig don kon tukad in komalig ta sinolatakan, yo initu-ituman in guhanga adat Bolaang Mongondow Kon Pomuka’an ki Aki Robianto Datumbanua.
Noyoduduy kon tua, palat don doman minintahangan, noigum kon doa bo barakat Ko Itogi Kawasa in ba’ Ki Kolano takin Apang umuranpa moroton, moyayu’ padoman kon sigasigala ta mora’at, bo ogeyanNya pa doman rijiki na’ ponugat.
Mintahan tatua diniya in jiow-jiow kon lipu Tutuyan.
Napalut nomintahang, Kolano Sam Sachrul Mamonto in nopoyaputpa deewa tolu notontaga.
Kai Kolano, nogutundon magi’ na’aya kon komalig, sin ba’ modiug in pobantungan kon siga-sigala urusan in masyarakat.
Acara kon singgai tua, itoy in pulisi Ki Kapolres Bolaang Mongondow Kon Pomuka’an AKBP Irham Halid in noiangoy doman, natua doman bayongan in itoy Kon pamarentah Bolaang Mongondow Kon Pomuka’an, bayongan in panggulu bo bobato, nodait doman noiangoy.
(RD/Red)
